Fiqh – islom huquqshunosligi bo‘lib, u musulmonlar hayotining barcha jihatlarini qamrab oladi . IX-XII asrlar islom madaniyatining gullab-yashnagan davri sifatida tarixga kirdi. Bu davrda islom olamida yirik fiqhiy maktablar shakllandi va ular nafaqat diniy masalalarni, balki ijtimoiy, iqtisodiy va siyosiy hayotga oid masalalarni ham qamrab oldi. Ushbu maktablarning vakillari tomonidan yozilgan asarlar musulmon jamiyatining o‘sha davrdagi holatini tasvirlab, tarixni o‘rganish uchun noyob manba vazifasini o‘tadi.