“Avesto”da dunyoning yaratilishi, insonning xalq boʻlib kamol topishi, ezgulik uchun yovuz kuchlar bilan kurashi, erkinlik, ijodkorlik va bunyodkorlik yoʻlidagi orzulari oʻz ifodasini topgan. “Avesto” faqat odamninggina emas, balki bir hovuch tuproq, bir qultum suv, bir nafaslik havoning ham muqaddas ekanligi haqidagi kitob. “Avesto” yerning, daryolaru bogʻlar, togʻlaru buloqlar, koʻlu sahrolar, otu tuyalar uyuri, molu itlar, oʻsimligu giyohlar, shahar va manzilgohlarning bunyod etish tarixiga doir asar.