Angiografiya(angio va grafiya) uqon va limfa tomirlariga kontrast (soya tushiradigan va organizm uchun bezarar) modda yuborib, rentgenologik usul bilan ular suratini olish. Angiografiya qon va limfa tomirlari kasalliklarini, shuningdek baʼzi aʼzolar (miya, yurak, oʻpka va b.)dagi kasalliklarni qon tomirlaridagi oʻzgarishlarga qarab aniqlashda qoʻllaniladi. Angiografiyaning angiokardiografiya, angiopulmonografiya, aortografiya, vazografiya, limfografiya va boshqa turlari mavjud.