Bemorni ushlab ko`rishdan avval uni sinchiklab kuzating. Bemorning ko`rinishi yoki qanchalik quvvatsiz ekanligi, harakatlari, nafasi va qanchalik hushi joyida ekanligini kuzating. Suvsizlanish va shok belgilari bor-yo`qligiga e`tibor bering. Bemor yaxshi yoki yomon ovqatlanayotganligiga e`tibor bering. U vaznini yo`qotganmi? Agar kasal anchadan beri oz-ozdan vazn yo`qotib kelgan bo`lsa, unda surunkali kasallik (uzoq davom etadigan kasallik) bo`lishi mumkin. Teri va ko`z rangiga e`tibor bering. Ba`zan kasallik ta`sirida ular o`zgaradi.