Nafas olish mehanizmi tashqi qovurg'aaro muskullar va diafragmaning qisqarishi bilan ta'minlanadi. Qovurg'aaro muskullar qovurg'alarni yuqori ko'tarib, o'qi atrofida bir qadar buradi va yon tomonga o'zatadi, to'shni esa oldinga chiqaradi. Shuning natijasida ko'krak bo'shlig'i hajmi oldingi-orqa va yon tomonlarga qarab kengayadi. Diafragma qisqaradi, bu uning 3—4 sm past tushishiga, ko'krak bo'shlig'i hajmining vertical yunalishda kengayib, deyarli 1000 ml ga ortishiga olib keladi. Diafragma past tushganda qorin bo'shlig'i organlarini bosadi, bu oldingi qorin devorining do'mbayib chiqishiga sabab bo'ladi.