Qon biokimyosi qon, limfa va to‘qima suyuqligi kabi ichki muhit tarkibidagi organik va anorganik moddalar hamda ularning fiziologik va patologik holatlardagi o‘zgarishlarini o‘rganadi. Qon tarkibi murakkab bo‘lib, uning asosiy funktsiyasi organizm tarkibining nisbiy doimiyligini saqlashdir. Qon suyuqligi 4,5-5 litr bo‘lib, plazma va shaklli elementlardan tashkil topgan. Uning kimyoviy va fizikaviy xususiyatlari – suspenziyalik, elektrolitik, yopishqoqlik, zichlik va pH – muhim ahamiyatga ega.