Maza bilish ta'm bilish retseptorlarining har xil moddalarga taʼsir etishi natijasida paydo boʻladigan sezgi hisoblanadi. Ta'm bilish retseptorlari til uchi, chetlari va orqa qismida joylashgan. Ular orqali shirin, nordon, achchiq, chuchuk va shoʻr ta'mlar sezilishi mumkin. Bu retseptorlar taʼsirlanib, markazlarga intiluvchi nerv tolalari orqali uzunchok miyaga boradi va reflektor hodisalar hosil qiladi. Tilning organizmda ovqatni chaynash, yutish va ta'mni bilishda muhim roli bor. Glossit — til toʻqimalarining yalligʻlanishi bo'lib, og'riq, shish, sirtining silliqligi va rangi oʻzgarishi bilan tavsiflanadi.